Pavarësisht asaj që është raportuar se mesfushori kosovar, Xherdan Shaqiri, do të largohet nga skuadra Liverpool, një gjë e tillë ka pak gjasa të ndodhë gjatë këtij muaji.

Sipas the Mirror, trajneri Jurgen Klopp nuk dëshiron ta lejojë asnjë lojtar që të largohet nga klubi gjatë këtij muaji, shkruan Goal, transmeton Klan Kosova.

Kjo për shkak se menaxheri gjerman dëshiron t’i maksimizojë shanset e ekipit për të fituar në Premier Ligë.

Për Shaqirin është raportuar se do të largohet nga Reds për shkak të paraqitjeve të rralla, por Klopp është këmbëngulës se futbollisti kosovar nuk do të shkojë askund.