Humbja e mbrëmshme nga Greqia i ka dëshpëruar tej mase tifozët e Kosovës.

Mirëpo, është dikush që iu ka dalë në krahë atyre.

Ish-kryetari i Komunës së Prishtinës, Shpend Ahmeti, përmes një postimi në llogarinë e tij në “Twitter” ka shkruar se lojtarët e Kosovës duhet t’i duam në secilën situatë, jo vetëm kur fitojnë dhe kur janë në formë kulmore.

Sipas tij, nuk bën që vlerësimi i përgjithshëm për lojtarët “Dardanë” të bëhet për një humbje.

“Kur e patën dënu Rangers për financa skuadra ka ra në Ligën e katërt.  Tifozat i kanë dasht edhe në Ligë të katërt.  Nuk mundesh me i qu në qiell të enjtën e me i fundos të dielen.  Duhet me dasht edhe kur hupin.  Mundemi me thënë skanë lujt mirë por jo me thënë skanë zemër”, ka shkruar Ahmeti.

Kosova e nisi kampanjën e re në Ligën e Kombeve me fitore ndaj Qipros, ndërsa më pas u mposht nga Greqia.

Të enjten, Verdhekaltrit do ta presin Irlandën e Veriut në stadiumin “Fadil Vokrri”, ndërsa maratonën e katër ndeshjeve të këtij muaji do ta mbyllin me duelin e dytë ndaj grekëve, të cilin do ta luajnë të dielën në Athinë.