Sot do të takohen dy kryenegociatorët e Kosovës dhe Serbisë.

Besnik Bislimi dhe Petar Petkoviq, do të ulen në tavolinë për të gjetur një zgjidhje rreth çështjes së targave.

Emisari Special i Bashkimit Evropian Miroslav Lajçak, ka dhënë detaje rreth takimit të djeshëm.

Lajçak se afati i fundit për gjetjen e zgjidhjes është dita e sotme, 21 prill.

“Ekspertët nga Kosova dhe Serbia sot janë takuar për herë të fundit në grupet punuese për targa para afatit të fundit më 21 prill. Me punën e tyre ata përgatitën për nesër diskutimet e kryenegociatorëve. Tani u takon kryenegociatorëve të gjejnë një marrëveshje për rrugën përpara”.

Më 30 shtator me ndërmjetësimin e BE-së, Kosova dhe Serbia kishin arritur një marrëveshje të përkohshme për targat duke i obliguar vozitësit e dyja vendeve të vendosin stikersa në targat e tyre kur hyjnë në vendet respektive.