Qeveria e Kosovës ka themeluar Komisionin e Posaçëm për Parandalimit e Koronavirusit.

Kryesuesi i tij do të jetë kryeministri Albin Kurti, ndërsa anëtarë janë disa ministra dhe zyrtarë të tjerë shtetërorë.

Anëtarët e këtij komisioni janë: Zëvendëskryeministri Avdullah Hoti, zëvendëskryeministri Haki Abazi, ministri i Shëndetësisë Arben Vitija,ministri i punëve të Brendshme Agim Veliu, Ministri i Financave Besnik Bislimi,ministrja e Arsimit Hykmete Bajrami, ministri i Mbrojtjes Anton Quni, ministrja e Ekonomisë Rozeta Hajdari, ministrja e Pushtetit Lokal, Emilia Rexhepi.

Pjesë e këtij Komisioni janë edhe Valon Presteshi, Fadil Kodra, Ilir Murtezaj, Rashit Qalaj, Ibrahim Xhaka, Valdet Gjinovci dhe Rrahman Rama. Po ashtu, në Komision do të jenë edhe përfaqësues të inspektoratëve.

Komisioni ka për detyrë të menaxhojë procesin e parandalimit të inkfesionit në emër të Qeverisë së Kosovës, përfshirë edhe kontrollin e zbatimit të ligjeve për mbrojtjen e konsumatorëve të të gjitha bizneseve, përfshirë farmacitë e të tjera që ofrojnë produkte ushqimore dhe higjienike dhe të mos abuzojnë me çmime.

Kurti tha se kjo tregon seriozitetin e Qeverisë ndaj situatës së krijuar pas përhapjes së koronavirusit në botë, Europë dhe rajon.

Ky Komision do t’i raportojë Qeverisë në baza ditore.