Ish-mbrojtësi i Manchester Unitedit, Rio Ferdinand beson se Topi i Artë i vitit 2022 i takon Benzemas.

Pas e pa Benzeman duke shënuar hat-trikun e dytë radhazi në Champions League, Ferdiand mbeti gojëhapur me sulmuesin francez.

“Duhet t’ia shkruajnë emrin e Benzemas në Topin e Artë të ardhshëm”, tha Ferdinand për BT Sport.

Tutje, ai tha se Benzema është sulmuesi më i mirë në botë dhe lojtari kryesor i Real Madridit.

“Ai e ka çuar Real Madridin në krye të La Ligas. Ata janë në formë fantastike dhe Benzema është protagonisti kryesor. Kur Ronaldo ishte aty, ai mbeti në hije sepse e dinte se për çfarë ka nevojë ekipi. Ai është 34 vjeçar dhe është sulmuesi më i mirë në botë. Ai është në tjetër nivel. Ai shënon gola, bën asiste”, tha Ferdinand.