Kompania Rajonale e Ujësjellësit “Prishtina” ka paralajmëruar bizneset që i kanë borxhe se nga e hëna do të fillojnë me aplikimin e shkyçjeve nga sistemi i rrjetit të ujësjellësit.

Shkyçja do të bëhet për konsumatorët që kanë një faturë të ujit e lartë të papaguar.

Sipas KRU’së, vlera totale e borxhit që i kanë bizneset shkon në mbi 7 milionë euro.

“Të nderuar konsumatorë të kategorisë së bizneseve, ju njoftojmë se duke filluar nga data 25 korrik 2022, e hënë do të fillojmë me aplikimin e shkyçjeve nga sistemi i rrjetit të ujësjellësit, për ato biznese që kanë të papaguar një faturë të ujit e lart.  Borxhi total i sektorit të bizneseve të vogla e të mëdha është mbi 7 milion euro ( mbi 5 milion euro bizneset e vogla dhe mbi 2 milion euro bizneset e mëdha)”, thuhet në njoftim./Express.

Njoftimi i plotë:

Prishtinë, 19 korrik – Të nderuar konsumatorë të kategorisë së bizneseve, ju njoftojmë se duke filluar nga data 25 korrik 2022, e hënë do të fillojmë me aplikimin e shkyçjeve nga sistemi i rrjetit të ujësjellësit, për ato biznese që kanë të papaguar një faturë të ujit e lart.  Borxhi total i sektorit të bizneseve të vogla e të mëdha është mbi 7 milion euro ( mbi 5 milion euro bizneset e vogla dhe mbi 2 milion euro bizneset e mëdha).Ua kujtojmë se Kompania Rajonale e Ujësjellësit “ Prishtina ” sh.a., qëllimin kryesor e ka ofrimin e shërbimeve të furnizimit me ujë të pijshëm për të gjithë konsumatorët në zonën e shërbimit. Për të përmbushur këtë mision me sukses dhe për të ofruar furnizim stabil me ujë , sigurisht që kërkohet angazhim maksimal dhe ka kosto të lartë në trajtimin e ujit dhe mirëmbajtjen e rrjetit të ujësjellësit dhe kanalizimit, në vazhdimësi. Në mënyrë që të ju ofrohet ky shërbim cilësor, kërkohet nga ju që të përmbushni obligimin tuaj ligjor ndaj pagesës së faturave të rregullta mujore për shpenzimin e ujit. Keni kohë 6 ditë të paguani të gjitha faturat e papaguara për shërbime të ujit dhe kanalizimit. Masa e shkyçjes dhe më vonë ri-kyçjes do të shoqërohet edhe me shpenzime shtesë të cilat rrjedhin nga tarifat e parapara nga Autoriteti Rregullator për Shërbimet e Ujit dhe Urdhëresës Tarifore të Shërbimeve ARRU/UTSH-14/04/2022. Në rast të ndonjë ndërhyrje të paautorizuar në rrjetin e ujësjellësit / pas aplikimit të shkyçjes, KRU “Prishtina ” sh.a. do të inicion kallëzime penale për secilin konsumatorë të kategorisë së bizneseve në rast se,  ndërmarrin veprime të tilla të paligjshme. Po ashtu, sipas Kodit Penal të Republikës së Kosovës – Kodi Nr.06 / L-074, Neni. 314 konsiderohen vepra penale çfarëdo manipulimi apo vjedhje që përfshihet edhe shërbimi me ujë të pijshëm.

Faleminderit për mirëkuptim!