Lëvizja Vetëvendosje ka publikuar këtë të martë një sondazh lidhur me zgjedhjet për Kryetar të Komunës së Podujevës që do të mbahen të dielën më 29 nëntor.

Është Besnik Bislimi ai i cili ka prezantuar të dhënat e këtij sondazhi, sipas të cilit fitues do të dalë kandidati i këtij subjekti, Shpejtim Bulliqi.

“Është shumë e mundur që zgjedhja të përfundojë pa balotazh. Me pak angazhim mund të përfundojë të dielën”, është shprehur Bislimi.

“Nga të dhënat e sondazhit Bulliqi prinë me 46.8 përqind, pasuar nga kandidati i LDK-së, Nexhmi Rudari me 42 përqind dhe Naim Fetahu i PDK-së me 11.2 përqind”.

“Sondazhi është kryer nga Ubo në mes të datave 12-15 nëntor”.