Ministri i Shëndetësisë, Armend Zemaj, ka thënë se OBSH-ja mbetet partner strategjik i Kosovës në luftimin e pandemisë, duke i qqëndruar pranë gjatë gjithë kohës dhe asistuar në përgatitjen e Manualit për Mbrojtje nga përhapja e COVID-19. Po ashtu ka ndihmuar me donacione, përfshirë edhe aparaturën e fundit RT-PCR, me të cilën Zemaj ka thënë se është rritur kapaciteti testues.
Zemaj i ka thënë këto në takimin me koordinatorin e OBSH-së për Ballkanin dhe Moldavinë, Abebayehu Assefa Mengistu, si dhe me zyrtarë të tjerë të kësaj organizate me të cilët foli rreth menaxhimit të situatës epidemiologjike në vend dhe në Ballkan.
“OBSh mbetet partner i yni strategjik në luftimin e pandemisë duke na qëndruar afër gjatë kësaj kohe dhe asistuar si në përgatitjen e Manualin për Mbrojtje nga përhapja e Covid-19, me donacione të rëndësishme, përfshirë këtu edhe aparaturën për RT-PCR, të sjellë së fundi me çka IKSHPK-së i janë shtuar kapacitet për testime molekulare për Covid-19”, tha Ministri gjatë këtij takimi.
Ai theksoi se me OBSh-në dhe partnerët tjerë po zhvillojmë aleanca edhe për sigurimin e vaksinave kundër Covid-19, kur të njëjtat të jenë aprovuar për përdorim.
Mengitsu në anën tjetër ka theksuar nevojën për përkushtim dhe solidaritet midis popujve në përballimin e kësaj sfide globale të shëndetit publik.