Deputeti i LDK-së, Armend Zemaj, tha se Ministrja e Ekonomisë, Artane Rizvanolli, nuk po flet për tema të cilat i përkasin asaj, por që s’kanë të bëjnë me profesionin e vetë.

Gjatë fjalës së tij në Kuvend, Zemaj tha: “Ekonomistja me dalë edhe ma në këqyr në sy neve edhe me fol për tema që s’kanë të bëjnë as me profesionin e saj, është skandaloze”.

“Qytetarët pa përjashtim po e bartin mbi supe edhe energjinë edhe kamuflimin, gabimet dhe mashtrimet, s’mund t’iu ikni këtyre. Duhet të përballeni me realitetin. Çmimet janë rritur në mënyrë enorme, qysh doni thoni, tepër janë rritur dhe po rriten çdo ditë”.

Kësaj deklarate të Zemajt, Rizvanolli refuzoi t’i përgjigjet duke thënë: “Mendoj që komentet e Zemajt nuk meritojnë përgjigje”.