Ministri në detyrë i Shëndetësisë, Armend  Zemaj, ka thënë se nuk do ketë lirim të masave anti-COVID.

Ai po ashtu ka folur edhe për vaksinat kundër COVID-19, me ç’rast ka thënë se furnizimi me to do të bëhet në muajin shkurt.

Zemaj tha se janë duke punuar në sigurimin e kësaj vaksine.

Ai ka folur edhe tubimet e partive politike për moszbatimin e masave duke përfshirë edhe vetë atë, derisa është shprehur se të gjithë duhet të respektojnë masat.

“Nuk duhet të presim vetëm gjoba dhe ndëshkime, por duhet respektuar masat. Partitë politike organizojnë tubime e ato janë individuale, të gjithë duhet të thërrasin vetveten”, tha Zemaj.