Sepp van den Berg do ta kompletojë transferimin e ‘ëndërrave’ në Liverpool muajin e ardhshëm pasi “Të Kuqtë” arritën marrëveshje me holandezin e talentuar.

 

Liverpooli ka njoftuar gjatë ditës së sotme se ka arritur marrëveshje me PEC Zwolle për qendër-mbrojtësin 17-vjeçar, i cili është kërkuar edhe nga disa klube tjera evropiane që prej inkuadrimit në futbollin holandez.

“Liverpooli ka arritur marrëveshje me PEC Zwolle për transferimin e Sepp van den Berg, e cila do të kompletohet në korrik”, thuhet fillimisht në njoftimin e Liverpoolit.

“17-vjeçari ka nënshkruar kontratë afat-gjate me Liverpoolin pasi marrëveshja është arritur me klubin e Eredivisie”, shtoi Liverpooli.

Van den Berg, i cili ka bërë 15 paraqitje në Eredivisie edicionin e kaluar, ka arritur në Liverpool duke u konsideruar si njëri prej mbrojtësi më të talentuar në Evropë.

Për transferimin e tij, Liverpooli ka mposhtur konkurrencën e Ajax, Bayern Munich dhe PSV Eindhoven.