Ish-deputeti i Lidhjes Demokratike të Kosovës, Naser Rugova, ka kritikuar shkrimin e kryetarit të dorëhequr të kësaj partie, Isa Mustafës, për rënien e LDK-së në këto zgjedhje.
Rugova ka shkruar se shkrimi i Mustafës ishte pendim për dorëheqjen, derisa i ka bërë thirrje Mustafës që kur nuk ka çfarë të thotë, të mos flas fare.
“Shumë keq! Kur nuk ke çka flet më mirë është të mos flasësh fare, sepse vetëm sa i demotivon njerëzit edhe më shumë. Aman, na kurseni prej apologjive tuaja. Koha përrallave dhe e recikilim të figurave të harxhuara ka marrë fund. Ne do të ecim përpara, por ja ju”, ka shkruar Rugova.
Mustafa të premten ka thënë se do të ndihej i lehtësuar nëse do e kuptonte pse qytetarët e ndëshkuan LDK-në me votë, duke e vendosur në pozitën e tretë në këto zgjedhje.